Home / خبریں / کامسیٹس یونیورسٹی ساہیوال کیمپس میں سکیورٹی فورسز کی جانب سے ماک ایکسرسائز
history of sahiwal

کامسیٹس یونیورسٹی ساہیوال کیمپس میں سکیورٹی فورسز کی جانب سے ماک ایکسرسائز

ساہیوال نیوز (بیورورپورٹ) کامسیٹس یونیورسٹی اسلام آباد، ساہیوال کیمپس میں سیکیورٹی فورسز کی جانب سے کسی بھی ہنگامی صوتحال سے نمنٹنے کے لیے فرضی مشق کی گئی۔
پاک آرمی، سی ٹی ڈی، پنجاب پولیس، ایلیٹ فورس، سیکیورٹی برانچ، خفیہ ایجنسی، ریسکیو 1122اور دیگر اداروں کی جانب سے انتہائی منظم موک ایکسرسائز کا انعقاد کیا گیا۔

تمام اداروں کی استعداد کار اور دہشت گردی سے نمٹنے کی صلاحیت کا جائزہ لینے کے لیے یونیورسٹی میں حملے کرنے کا فرضی منصوبہ بنایا گیا۔ یونیورسٹی سیکیورٹی فورس کے جوانوں نے الرٹ ہو کر یونیورسٹی کے گرد حفاظتی حصار قائم کی اور ایمرجنسی سائرن بجا کر ہنگامی حالت کے بارے میں سیکیورٹی اداروں کو مطلع کیا۔

جس پر فرسٹ ریسپانس مقامی پولیس اور ایلیٹ فورس کی جانب سے دیا گیا جبکہ بعد ازاں پاک فوج کی یونٹ، بمب ڈسپوزل سکوارڈ، ریسکیو 1122، سپیشل برانچ، ایجنسز اور دیگر سول اداروں کے اعلیٰ تربیت یافتہ اور جذبہ حب الوطنی سے لیس جوانوں نے یونیورسٹی میں فرضی حملے کو ناکام بنایا۔

فورسز کی جانب سے یونیورسٹی کی بلڈنگ کا گھیرا کر کے فرضی حملے کا بھرپور مقابلہ کیا اور ایمرجنسی صورتحال کو عملی طور پر کنٹرول کرتے ہوئے تین دہشتگردوں کو گرفتار کر لیا۔

موک ایکسرسائز کے اختتام پر ملک و قوم کی خوشحالی کے لیے اجتماعی دعا کا اہتمام کیا گیا اور پاکستان زندہ باد کے نعرے بلند کیے گئے۔ اس موقع پر سی یو آئی، ساہیوال کیمپس کے ڈپٹی رجسٹرار صفدر علی نے ڈائریکٹر پروفیسر ڈاکٹر سلیم فاروق شوکت کی جانب سے سیکیورٹی فورسز کا شکریہ ادا کرتے ہوئے مکمل تعاون کی یقین دہانی کروائی۔

انہوں نے سیکیورٹی فورسز کے جوانوں کو کامسیٹس یونیورسٹی اسلام آباد، ساہیوال کیمپس کا تعارف پیش کیا اور یونیورسٹی میں قائم منٹگمری میوزیم کا دورہ کروایا۔

About Muhammad Saeed

Avatar
I am Muhammad Saeed and I’m passionate about world and education news with over 4 years in the industry starting as a writer working my way up into senior positions. I am the driving force behind Sahiwal News with a vision to broaden the company’s readership throughout 2019. I am an editor and reporter of this website. Address: Mehar Abad Colony, Chichawatni, Distt. Sahiwal, Punjab, Pakistan Phone: (+92) 300-777-2161 Email: admin@sahiwalnews.com.pk

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے